സാംസംഗ് ഗ്യാലക്സി എസ്‌ 5 ഏപ്രില്‍ 11-ന് ?

ഗാഡ്ജറ്റ് പ്രേമികള്‍ കാത്തിരിക്കുന്ന സാംസംഗിന്‍റെ പുതിയ സ്മാര്‍ട്ട് ഫോണ്‍ ഗ്യാലക്സി എസ് 5 ഏപ്രില്‍ പതിനൊന്നോപതിനൊന്നോടെ ലഭ്യമായിത്തുടങ്ങുമെന്ന് സൂചന. ബാഴ്സലോണയില്‍ നടന്ന മൊബൈല്‍ വേള്‍ഡ് കോണ്‍ഗ്രസ്സില്‍ ആണ് ഇതേ സംബന്ധിച്ച് പുറം ലോകമറിയുന്നത്.
ഗ്യാലക്സി എസ് 5 ന്റ്റെ പ്രതേകതകള്‍ എന്തൊക്കെ എന്ന് നോക്കാം,

 പ്രധാനമായും എടുത്തുകാണിക്കേണ്ട പ്രതേകള്‍ ഹോം ബട്ടണില്‍ പ്രതേകമായി എംബഡ് ചെയ്ത ഫിംഗര്‍ പ്രിന്‍റ് സ്കാനറും വെള്ളവും പൊടിയും ചെറുക്കാനുള്ള സങ്കേതവുമാണ്. ഫിംഗര്‍ പ്രിന്‍റ് സ്കാനര്‍ ഉപയോഗിച്ച് എട്ട് തവണ സ്വൈപ് ചെയ്ത ശേഷം പിന്നീട് ഫോണ്‍ ഈ ഫിംഗര്‍ പ്രിന്‍റ് ഉപയോഗിച്ച് ലോക്ക്/അണ്‍ലോക്ക് ചെയ്യാവുന്നതാണ്. പേപാല്‍ പേയ്മെന്‍റ് പോലെയുള്ള ഓണ്‍ലൈന്‍ ബാങ്കിംഗ് ഇടപാടുകള്‍ ഒക്കെ നടത്താന്‍ നിങ്ങളുടെ വിരല്‍ ഒന്ന് സ്വൈപ് ചെയ്യുകയേ വേണ്ടൂ..!
 കൂടാതെ ഉപയോക്താവിന്‍റെ ഹാര്‍ട്ട് ബീറ്റ് അളക്കാനുള്ള ഉപകരണവും ഫോണില്‍ ലഭ്യമാണ്. സാംസങിന്‍റെ ഫിറ്റ്നസ് ആപ്ലിക്കേഷന്‍  ആയ S-health ആണ് ഇതിന് നമ്മെ സഹായിക്കുന്നത്.

                                                    മറ്റൊരു പ്രധാന സവിശേഷത ക്യാമറയാണ്. 16 മെഗാപിക്സല്‍ പിന്‍ ക്യാമറ 4K വീഡിയോ റെക്കോര്‍ഡിംഗ് ആണ് പ്രദാനം ചെയ്യുന്നത്..! ഒരു ഷോട്ടില്‍ നിന്ന് മറ്റൊരു ഷോട്ടിലേയ്ക്കുള്ള സമയം വെറും 0.3 സെക്കന്‍റ് മാത്രമാണ്. അതിവേഗം ചിത്രങ്ങള്‍ പകര്‍ത്താന്‍ ഇത് നമ്മെ സഹായിക്കുന്നു. കൂടാതെ HDR, ഫോട്ടോ എടുത്ത ശേഷം ഫോക്കസ് മാറ്റാന്‍ സൌകര്യം തരുന്ന Selective focus എന്നിവയൊക്കെ ക്യാമറയുടെ സവിശേഷതകളാണ്. 2.1 മെഗാപിക്സല്‍ മുന്‍ ക്യാമറയും ഉണ്ട്.
                       1.5 GHz ക്വാഡ് കോര്‍, ക്വാല്‍കോം സ്നാപ്ഡ്രാഗണ്‍ പ്രൊസസറും, 2 ജിബി റാമും വളരെ വേഗതയേറിയ പ്രവര്‍ത്തനം കാഴ്ച വെയ്ക്കുമെന്ന് പ്രതീക്ഷീക്കാം. ഇതിന് തൊട്ട് മുമ്പ് എസ് ശ്രേണിയില്‍ ഇറങ്ങിയ ഗ്യാലക്സി എസ് 4 ന് ഒക്റ്റ കോര്‍ പ്രൊസസര്‍ ആയിരുന്നു.
64 ജിബി വരെ മൈക്രോ എസ്ഡി കാര്‍ഡ് സപ്പോര്‍ട്ട് ഉള്ള ഗ്യാലക്സി എസ്5, 32, 64 ജിബി മോഡലുകളില്‍ ലഭ്യമാകും. ആന്‍ഡ്രോയി 4.4 കിറ്റ്കാറ്റ് ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഗ്യാലക്സി എസ്5, 5.1 ഇഞ്ച് കപ്പാസിറ്റീവ് ടച്ച് സ്ക്രീനോട് കൂടിയ 1980 X 1920 ഫുള്‍ എച്ച് ഡി ഡിസ്പ്ലേയോട് കൂടിയാണ് വരുന്നത്.

                                       കണക്റ്റിവിറ്റിക്കായി 4ജി, വൈഫൈ a/b/g/n/ac, ബ്ലൂടൂത്ത് 3.0, ജി പി എസ്, എന്‍ എഫ് സി, ഇന്‍ഫ്രാറെഡ് തുടങ്ങി ഒട്ടുമിക്ക സം‌വിധാനങ്ങളോടും കൂടി വരുന്ന ഗ്യാലക്സി എസ് 5 മികച്ചതും, അതിവേഗവുമായ ഡാറ്റാവിനിമയം സാധ്യമാക്കുമെന്ന് പ്രതീക്ഷിക്കാം.
മുന്‍ വശം ഗ്യാലക്സി എസ് 4 ന്റ്റെ പോലെയാണെങ്കിലും പിന്‍ വശം ഡോട്ടഡ് റ്റെക്സ്ചറോട് കൂടിയ പ്ലാസ്റ്റിക് ആണ്. ഗ്യാലക്സി എസ് ശ്രേണിയിലെ മുമ്പത്തെ ഫോണുകളെപ്പോലെത്തന്നെ ഡിസൈനില്‍ ഒരു മാറ്റവും വരുത്താതെ കോണ്‍ഫിഗറേഷന്‍ മാത്രം മാറ്റി ഇറങ്ങുന്ന ഫോണുകള്‍ക്ക് എത്രത്തോളം സ്വീകാര്യത ലഭിക്കുമെന്ന് കണ്ടറിയാം. കൂടുതല്‍ വിവരങ്ങള്‍ അറിവായിട്ടില്ല.

Tags:
Samsung galaxy s5
Introducing Samsung galaxy s5
galaxy s5 review
galaxy s5 specs specifications

read more

എന്താണ് റൂട്ടിംഗ്..?

root

എന്താണ് റൂട്ടിംഗ് ?എന്താണ് അത് കൊണ്ടുള്ള പ്രയോജനം എന്ന് പറയാന്‍ ശ്രമിക്കാം..

Android OS മികച്ച operating system , open source എന്നിങ്ങനെ ഗുണഗണങ്ങള്‍ ഉള്ള ഒന്നാണെങ്കിലും ഫോണ്‍ കമ്പനികള്‍ നമ്മള്‍ക്ക് ഉണ്ടാക്കി തരുന്ന Android ഫോണുകള്‍ക്ക് ധാരാളം പരിമിതികളും, നിയന്ത്രണങ്ങളും ഉണ്ട്. Phone ന്റെ root access ചെയ്യാന്‍ നമ്മള്‍ക്ക് restriction ഉണ്ടാവും.
സാങ്കേതിക പരിചയം ഇല്ലാത്ത സാധാരണ ഉപഭോക്താവ് അറിയാതെ ഫോണില്‍ മാറ്റങ്ങള്‍ വരുത്തി ഫോണിനു കേടുണ്ടാക്കുന്നത് തടയാന്‍ ആണ് ഈ സംവിധാനം എന്നാണു പറച്ചില്‍..പക്ഷെ ഇതിനു ഒരു മറു വശം കൂടെ ഉണ്ട്. ഈ മൊബൈല്‍ കമ്പനി കളുടെ സ്വന്തം ആയ പല applications ഉം ഉപഭോക്താവിനെ അടിച്ചേല്‍പ്പിക്കാന്‍ ഉള്ള ഒരു തന്ത്രവും കൂടെ ഇതില്‍ ഉണ്ടെന്നു ന്യായം ആയും സംശയിക്കാം.(uninstall ചെയ്യാന്‍ പറ്റാത്ത എന്നാല്‍ നമുക്ക് ആവശ്യം ഇല്ലാത്ത, memory കവര്‍ന്നെടുക്കുന്ന രീതിയില്‍ back ground ല്‍ എപ്പോളും പ്രവര്‍ത്തിച്ചു കൊണ്ടിരിക്കുന്ന ഒരു പിടി apps പലപ്പോളും കണ്ടിട്ടുണ്ടാവും).

ഈ വിധ നിയന്ത്രണങ്ങള്‍ മറി കടക്കാന്‍ ഉള്ള ആദ്യ
പടി ആണ് റൂട്ടിങ്ങ് എന്ന പ്രക്രിയ.

Once rooted, the Android phone owner will have more control over many settings, features and performance of their phone. Basically, "rooting" means to get to the root of the operating system and to have the ability to make global changes.When you take your phone out of the box, while there are plenty of settings you can tweak, you can only alter what the manufacturer allows you to. By gaining root access you can modify the device's software on the very deepest level.

ഇത് കൊണ്ടുള്ള ഗുണങ്ങള്‍

1.   Rooted Devices നു വേണ്ടി മാത്രം ഉള്ള ഒട്ടനവധി കിടിലന്‍ apps ഇന്‍സ്റ്റാള്‍ ചെയ്യുകയും അവയുടെ വിവിധ സവിശേഷതകള്‍ ഉപയോഗപ്പെടുത്തുകയും ചെയ്യാം...ചില ഉദാഹരണങ്ങള്‍ പറയാം.

• Titanium Back up
  *ഇത് ഉപയോഗിച്ച് apps അപ്പാടെ ബാക്ക് അപ്പ്‌ ചെയ്യാം. എന്തെങ്കിലും കാരണവശാല്‍ factory reset ചെയ്യേണ്ടി വന്നാല്‍ back up ഉപയോഗിച്ച് ചുരുങ്ങിയ നേരം കൊണ്ട് ആപ്ലിക്കേഷനുകള്‍ എല്ലാം പഴയ പടി ആക്കാം. ഓരോന്നായി വീണ്ടുംഇന്‍സ്റ്റാള്‍  ചെയ്യേണ്ട. ഗെയിം ഒക്കെ കളിച്ച പ്രോസ്സസ് അതെ പടി തന്നെ തിരിച്ചു കൊണ്ട് വരാം.
  **മെമ്മറി ഒത്തിരി എടുക്കുന്ന എന്നാല്‍ സ്ഥിരം ഉപയോഗിക്കാത്ത ചില apps നെ uninstall ചെയ്യാതെ തന്നെ freeze ചെയ്യുകയും(മെമ്മറി ഉപയോഗിക്കാത്ത അവസ്ഥയില്‍ ആക്കുകയും) പിന്നീട് ആവശ്യം ഉള്ളപ്പോള്‍ സെക്കന്‍റുകള്‍ കൊണ്ട് defreeze ചെയ്തു ഉപയോഗ യോഗ്യം ആക്കുകയും ചെയ്യാം.
  ***android phones ല്‍ apps ഇന്‍സ്റ്റാള്‍ ചെയ്യുമ്പോള്‍ default ആയിട്ട് അവ സിസ്റ്റം internal storage ഇലെക്കായിരിക്കുമല്ലോ install ആവുന്നത് ..അത് കൊണ്ട് തന്നെ ഇന്‍റേണല്‍ മെമ്മറി പെട്ടന്ന് നിറയുന്ന അവസ്ഥ ഉണ്ടാവാറുണ്ട്..എന്നാല്‍ റൂട്ട് ചെയ്ത ഫോണുകളില്‍ മേല്പറഞ്ഞ  പോലെ ഉള്ള ആപ്പ്സ്‌ വഴി സ്റ്റോറേജ്, എസ് ഡി കാര്‍ഡിലേക്ക് മാറ്റാവുന്ന ആപ്പ്സ്‌ കണ്ടു പിടിച്ചു അവയെ external storage card ലേക്ക് മാറ്റി സ്ഥലവും resources ഉം ഒക്കെ മെച്ചപ്പെടുത്താവുന്നതാണ്.
  

• Adfree
  പല ഫ്രീ വേര്‍ഷന്‍ ഗെയിം കളുടെയും ആപ്സിന്‍റേയും ഏക പരിമിതി സ്ക്രോള്‍ ചെയ്തു വരുന്ന പരസ്യം മാത്രം ആണ്. ഈ സോഫ്റ്റ്‌വെയര്‍ ഉപയോഗിച്ചാല്‍ നിഷ്പ്രയാസം അത് ഒഴിവാകാന്‍ പറ്റും (ഇതും റൂട്ട് ചെയ്ത ഫോണില്‍ മാത്രേ ഉപയോഗിക്കാന്‍ സാധീക്കുകയുള്ളൂ ).

• Setcpu
  ഫോണ്‍ ഓവര്‍ ക്ലോക്ക് ചെയ്യുകയോ under clock ചെയ്യുകയോ ഒക്കെ ചെയ്യാം.

• Juice defender
  ബാറ്ററി ചാര്‍ജിന്‍റെ ദൈര്‍ഘ്യം ആണ് ഇതൊരു സ്മാര്‍ട്ട്‌ ഫോണ്‍ ഉപഭോക്താവിനെയും വലയ്ക്കുന്ന ഒരു ഘടകം. Battery settings tweak ചെയ്യാന്‍ ultimate സംഭവം ആണ് ഇവന്‍. പല മോഡിലും ഈസി ആയി സെറ്റ്‌ ചെയ്തു ബാറ്ററി ഉപഭോഗം നിയന്ത്രിക്കാം... കൂടാതെ advanced settings അന്യായം ആണ്... ഉദാഹരണത്തിന് നമ്മള്‍ ഉറങ്ങുന്ന സമയം സെറ്റ്‌ ചെയ്തു വെച്ചാല്‍ ആ സമയത്ത് ഫോണ്‍ ഓഫ്‌ ആവുകയും പിന്നീട് നമ്മള്‍ സെറ്റ്‌ ചെയ്ത സമയം അനുസരിച്ച് താനേ ഓണ്‍ ആവുകയും ചെയ്യും ഇങ്ങനെ പലതും ഉണ്ട്.

സിസ്റ്റം മൊത്തത്തില്‍ ബാക്കപ്പ് ചെയ്യാന്‍ കഴിയും ..ഫോണ്‍ അടിച്ചു പോവുന്ന ചില സാഹചര്യങ്ങളില്‍ അതേ പടി റിക്കവര്‍ ചെയ്യാനും കഴിയും.

2.

Ability To Flash Custom ROMs. A stock ROM is the version of the phone's operating system that  comes with your phone when you buy it. A custom ROM is a fully standalone version of the OS, including the kernel (which makes everything run), apps, services, etc - everything you need to operate the device, except it's customized by someone in some way.

 ചുരുക്കത്തില്‍ പറഞ്ഞാല്‍ കമ്പനി നമുക്ക് വെച്ച് നീട്ടുന്നതിലെ ഗാര്‍ബേജും, അനാവശ്യ കോടാലിയും, Bloatwares ഉം ഒക്കെ എടുത്തു മാറ്റി കൂടുതല്‍ പെര്‍ഫോര്‍മന്‍സ്, ബാറ്റെരി ദൈര്‍ഖ്യം, എന്നിവ തരുന്ന രീതിയില്‍ customize ചെയ്തു ചില പുലികള്‍ പുറത്തു ഇറക്കിയിരിക്കുന്ന ഓ എസ് തന്നെയാണ് ഇവ.

ഏറ്റവും വലിയ ഒരു പ്രയോജനം ആന്‍ഡ്രോയിഡിന്‍റെ പുതിയ അപ്ഡേറ്റുകളും, കമ്പനി തരാത്ത വേര്‍ഷന്‍ ഒക്കെ കിട്ടും എന്നതൊക്കെ ആണ്..ഉദാഹരണത്തിന് എന്റെ ഫോണ്‍ ഇന് officially HTC update തന്നിരിക്കുന്നത് Ginger Bread വരെ ഉള്ളൂ പക്ഷെ എന്റെ ഫോണ്‍ നു വേണ്ടി jelly bean latest അപ്ഡേറ്റ് വരെ അടങ്ങിയ custom rom ലഭ്യം ആണ്.

മറ്റു പല ഫോണിലും ഉള്ള സവിശേഷതകള്‍ അടങ്ങിയ custom rom അങ്ങോട്ടും ഇങ്ങോട്ടും മാറി ഉപയോഗിക്കാം.

themes ഉം മറ്റും ഉപയോഗിച്ച് കാഴ്ചയില്‍ ഉള്ള ഭംഗി വളരെ അധികം കൂട്ടാം...ചില custom roms ല്‍ തന്നെ inbuilt ആയി പല customizations ഉം പല apps ഇന്റെ ഘടകങ്ങളും ചേര്‍ത്തിരിക്കുന്നതിനാല്‍ പല external apps ഉം പ്രത്യേകം ആയി ഇന്‍സ്റ്റാള്‍ ചെയ്യേണ്ടി പോലും വരില്ല.

ലോകത്ത് ഒരു സാധനവും നല്ല ഗുണങ്ങള്‍ മാത്രം ആയി വരില്ലല്ലോ ..അത് പോലെ തന്നെ ഈ rooting നും അതിന്റേതായ ചില ദൂഷ്യവശങ്ങളും ഉണ്ട്...അതീവ ശ്രദ്ധയോടെ ചെയ്യേണ്ട ഒരു സംഗതി ആണ് ഇത് എന്നും കൂടെ മനസ്സിലാക്കുക...(സത്യം പറഞ്ഞാല്‍ അതിലാണ് അതിന്റെ ഒരു ത്രില്‍).
റൂട്ട് ചെയ്‌താല്‍ warranty void ആവുമെന്നാണ് ഫോണ്‍ കമ്പനി കാരുടെ ഭാഷ്യം ..(എന്റെ അഭിപ്രായത്തില്‍ ഇത് വലിയ പ്രശ്നം ഒന്നും ഇല്ല ഒന്നും അറിയാത്ത ഭാവത്തില്‍ എന്തെരോ എന്തോ ഇന്ന് കാലത്ത് എണീറ്റ്‌ നോക്കിയപ്പോള്‍ ഫോണ്‍ ഓണ്‍ ആവുന്നില്ല എന്നും പറഞ്ഞു അങ്ങ് കൊടുത്താല്‍ മതി ഇവിടെ സര്‍വീസ്‌ സെന്ററില്‍ ഉള്ള മണ്ടന്മാര്‍ക്ക് ഇതൊന്നും തിരിച്ചറിയില്ല അവന്മാര്‍ പഴയ പടി ആക്കി തിരിച്ചു തരും).

ഈ പ്രക്രിയ ചിലപ്പോള്‍ തെറ്റായി ചെയ്‌താല്‍ ഫോണ്‍ "ബ്രിക്ക് " ചെയ്യപ്പെടാന്‍ സാധ്യത ഉണ്ട്...ന്നു വെച്ചാ ഇഷ്ടികയ്ക്ക് സമാനം എന്ന്..പിന്നെ അടുത്ത മതില്‍ കെട്ടുമ്പോള്‍ അതിനിടെല്‍ കൊണ്ട് വെക്കാനെ കൊള്ളുള്ളൂ എന്ന് തന്നെ അര്‍ത്ഥം..പക്ഷെ ഈ അവസ്ഥയിലും ഒന്നും അറിയാത്ത ഭാവത്തില്‍ ഫോണ്‍ സര്‍വീസ്‌ സെന്റ്ററില്‍ കൊടുത്ത് ശരിയാക്കി വാങ്ങിയവരെ എനിക്കറിയാം...

എന്തായാലും എന്തൊക്കെ റിസ്ക്‌ ഉണ്ടെലും its worth taking that risk.
അല്ലെ തന്നെ ആലോചിച്ചു നോക്കിയാല്‍ റിസ്ക്‌ ഇല്ലാത്ത എന്തേലും കാര്യം ഉണ്ടോ ജീവിതത്തില്‍ ?
ഓരോ ഫോണ്‍ നും ഓരോ രീതി ആയിരിക്കും റൂട്ടിംഗ് പ്രക്രിയ xda developers ഇന്റെ ഫോറത്തില്‍ തുടങ്ങി വീഡിയോ tutorial കള്‍ വരെ നെറ്റില്‍ കിട്ടും...എല്ലാം നന്നായി വായിച്ചു പഠിച്ചതിനു ശേഷം മാത്രേ ചെയ്യാന്‍ പാടുള്ളൂ...

മറ്റുള്ളവന്റെ ഫോണ്‍ ആസ്വദിച്ചു റൂട്ട് ചെയ്തു കളിക്കുന്ന ടെക്കി കളെ നേരിട്ട് കണ്ടു കിട്ടിയാല്‍ കാര്യം എളുപ്പം ഉണ്ട് .
ഓരോ ആന്‍ഡ്രോയിഡ് ഡിവൈസ് റൂട്ട് ചെയ്യാനും പല രീതികളാണ്. അത് കൊണ്ട് തന്നെ എല്ലാ ഡിവൈസും നമുക്ക് ഒരു പോലെ ചെയ്യാന്‍ സാധിക്കുകയില്ല.

ഒരു ലിങ്ക് കൂടെ കിടക്കട്ടെ,
http://gizmodo.com/5982287/reasons-to-root-your-android-device


ലേഖകന്‍ : ദീപു സദാശിവന്‍.

Tags:
Root
Root android 
Root android device
How to Root android Phone, Tablet
What is rooting

read more

ആന്‍ഡ്രോയിഡ് ആപ്ലിക്കേഷന്‍ ഉണ്ടാക്കാം...!

ഇന്ന് ആന്‍ഡ്രോയിഡ് എന്ന് കേള്‍ക്കാത്തവര്‍ കുറവാണ്. മൊബൈല്‍ പ്ലാറ്റ്ഫോം രംഗത്ത് മുന്നേറിക്കൊണ്ടിരിക്കുന്ന ഒരു ഓപ്പറേറ്റിംഗ് സിസറ്റമാണ് ആന്‍ഡ്രോയിഡ് എന്ന് നമുക്കെല്ലാം അറിയാം. ഓപ്പണ്‍ സോഴ്സ് ആണ് എന്നത് തന്നെയാണ് മിക്കവരും ആന്‍ഡ്രോയിഡ് തിരഞ്ഞെടുക്കാന്‍ കാരണം. ഒട്ടേറെ ആപ്ലിക്കേഷനുകള്‍ സപ്പോര്‍ട്ട് ചെയ്യുന്ന ആന്‍ഡ്രോയിഡില്‍ സ്വന്തമായി ഒരു ആപ്ലിക്കേഷന്‍ ഉണ്ടാക്കണം എന്ന് ഒരിക്കലെങ്കിലുംആഗ്രഹിച്ചിട്ടില്ലേ... അങ്ങനെയുള്ളവര്‍ക്ക് യാതൊരു വിധത്തിലുള്ള പ്രോഗ്രാമിങ് പരിജ്ഞാനം ഇല്ലെങ്കില്‍ പോലും വളരെ എളുപ്പത്തില്‍ ആന്‍ഡ്രോയിഡ് ആപ്ലിക്കേഷന്‍ ഉണ്ടാക്കാം.
ആദ്യഘട്ടത്തില്‍ കോഡിംഗ് ഇല്ലാതെ ഒരു വെബ് ലിങ്ക് ആപ്പ് എങ്ങനെ ഉണ്ടാക്കാം എന്ന് നോക്കാം. ബ്ലോഗര്‍മാര്‍ക്കും സ്വന്തമായി വെബ്സൈറ്റ് ഉള്ളവര്‍ക്കും ആണ് ഈ രീതി കൂടുതല്‍ പ്രയോജനപ്പെടുക. അതിന് നമ്മെ സഹായിക്കുന്ന ഒരു വെബ് സൈറ്റാണ് www.appsgeyser.com.

ആദ്യം ഈ സൈറ്റില്‍ പ്രവേശിച്ച ശേഷം അക്കൊണ്ട് ഉണ്ടാക്കുക. അല്ലെങ്കില്‍ ആപ്പ് ഉണ്ടാക്കിയതിന് ശേഷം അക്കൊണ്ട് രജിസ്ട്രേഷന്‍ ചെയ്യുകയുമാവാം.
ടോപ് റൈറ്റ് സൈഡില്‍ കാണുന്ന ‘ലോഗിന്‍‘ ബട്ടണ്‍ അമര്‍ത്തുക.

മുമ്പ് അക്കൌണ്ട് ഉള്ളവരാണെങ്കില്‍ ഇ-മെയില്‍ ഐഡിയും പാസ് വേഡും ഉപയോഗിച്ച് ലോഗിന്‍ ചെയ്യാം. അല്ലാത്തവര്‍ക്ക് ഫേസ്ബുക്ക് വഴി ലോഗിന്‍ ചെയ്യാനുള്ള സൌകര്യവും ഉണ്ട്. ആപ്ലിക്കേഷന്‍ ഉണ്ടാക്കിക്കഴിഞ്ഞ് സൈന്‍ അപ് ചെയ്യാനാണ് താല്പര്യം എങ്കില്‍ 'Register a new user' എന്ന ലിങ്കില്‍ ക്ലിക്ക് ചെയ്യുക.

‘വെബ് സൈറ്റ്’ എന്ന ബട്ടണ്‍ അമര്‍ത്തുക.

അടുത്തതായി വരുന്ന പേജിലാണ് നമുക്ക് ആപ്ലിക്കേഷന്‍ സംബന്ധമായ പ്രധാനപ്പെട്ട കാര്യങ്ങള്‍ ചെയ്യാനുള്ളത്.
1 ) ഏത് ബ്ലോഗിലേക്ക്/വെബ് സൈറ്റിലേക്കുള്ള ലിങ്ക് ആണോ വേണ്ടത്, അത് അവിടെ നല്‍കുക. ആപ്ലിക്കേഷന്‍ തുറക്കുമ്പോള്‍ ഈ സൈറ്റിലേക്കായിരിക്കും പോവുക. ഇവിടെ പ്രധാനപ്പെട്ട ഒരു കാര്യം, മൊബൈലുകളില്‍ ഇന്‍സ്റ്റാള്‍ ചെയ്യാനുള്ളതാണെങ്കില്‍ നമ്മുടെ സൈറ്റിന്‍റെ മൊബൈല്‍ വേര്‍ഷനിലേക്കായിരിക്കണം പോകേണ്ടത്. അതിനായി സൈറ്റിന്‍റെ മൊബൈല്‍ വേര്‍ഷന്‍ അഡ്രസ്സ് ടൈപ്പ് ചെയ്ത് നകുക. ബ്ലോഗര്‍ ബോഗിന് എല്ലാം അവസാനം /?m=1 എന്ന് നല്‍കിയാല്‍ മതിയായിരിക്കും.
2‍ ) ആപ്ലിക്കേഷന് വേണ്ട പേര്. ഈ പേരായിരിക്കും ആപ്പ് ഡ്രോയറില്‍ കാണിക്കുക. മുമ്പ് എടുക്കപ്പെട്ട പേരുകള്‍ വീണ്ടും കിട്ടില്ല എന്നൊരു പോരായ്മ ഉണ്ട്.
3 ) ബ്ലോഗ് / സൈറ്റ് ഡിസ്ക്രിപ്ഷന്‍
4 ) ആപ്ലിക്കേഷന്‍ ഐക്കണ്‍ - Custom Icon സെലക്റ്റ് ചെയ്ത് UPLOAD ബട്ടണ്‍ അമര്‍ത്തുക.

72 X 72 പിക്സല്‍ വലിപ്പത്തിലുള്ള ഇമേജ് സെലക്റ്റ് ചെയ്ത് സബ്മിറ്റ് ബട്ടണ്‍ ക്ലിക്കുക.

5 ) സ്ക്രീന്‍ ഓറിയന്‍റേഷന്‍ ഡിവൈസിന്‍റെ സ്ക്രീന്‍ സൈസിനനുസരിച്ച് സെലക്റ്റ് ചെയ്യാന്‍. സാധാരണ ‘ഓട്ടോ‘ ഉപയോഗിച്ചാല്‍ മതി.
6 ) ആപ്ലിക്കേഷന്‍ കാറ്റഗറി സെലക്റ്റ് ചെയ്യുക.

                        വെബ്സൈറ്റ് യു ആര്‍ എല്‍ ബോക്സിന് താഴെ ഉള്ള 'Refresh Preview' എന്ന ലിങ്കില്‍ ക്ലിക്ക് ചെയ്താല്‍ ലൈവ് പ്രിവ്യൂ വലത് ഭാഗത്തെ സ്ക്രീനില്‍ കാണാനാകും.
'CREATE APP' ബട്ടണ്‍ അമര്‍ത്തുക. ആപ്ലിക്കേഷന്‍ ക്രിയേറ്റ് ചെയ്ത് കഴിഞ്ഞു. ഇനി രെജിസ്റ്റര്‍ ചെയ്യണം.

പേര്, മെയില്‍ ഐഡി, പാസ് വേഡ് എന്നിവ നല്‍കി ‘SIGN UP' ചെയ്യുക.

തുടര്‍ന്ന് വരുന്ന പേജിലെ, മുകളില്‍ ചിത്രത്തില്‍ കാണിച്ചിരിക്കുന്ന ലിങ്കില്‍ ക്ലിക്ക് ചെയ്യുക. കൂട്ടുകാര്‍ക്ക് ആപ്ലിക്കേഷന്‍ ഡൌണ്‍ലോഡ് ചെയ്യാന്‍ ഈ ലിങ്ക് കൊടുക്കാം.
ഒരു 25 ഡോളര്‍ കൊടുക്കാന്‍ പറ്റുമെങ്കില്‍ പ്ലേ സ്റ്റോറില്‍ ആപ്ലിക്കേഷന്‍ പബ്ലിഷ് ചെയ്യാനുള്ള ലിങ്ക് അതിന് തൊട്ടു താഴെ.

'DOWNLOAD APP' ബട്ടണ്‍ അമര്‍ത്തി ആപ്ലിക്കേഷന്‍ ഡൌണ്‍ലോഡ് ചെയ്യാം. ഇത് ആന്‍ഡ്രോയിഡ് ഫോണിലേയ്ക്കോ ടാബിലേയ്ക്കോ സെന്‍റ് ചെയ്ത് ഉപയോഗിക്കാം. അല്ലെങ്കില്‍ ലിങ്ക് ഉപയോഗിച്ച് ഡൌണ്‍ലോഡ് ചെയ്താലും മതി.
അഡ്വാന്‍സ്ഡ് അല്ലെങ്കില്‍ കൂടി ഈ സൈറ്റ് ടാബിംഗ് പോലുള്ള സൌകര്യങ്ങള്‍ നല്‍കുന്നുണ്ട്. ആപ്ലിക്കേഷന്‍ ഉണ്ടാക്കി പിന്നെ എപ്പോള്‍ വേണമെങ്കിലും മുകളിലെ 'EDIT' ബട്ടണ്‍ അമര്‍ത്തി നമുക്ക് ആപ്പ് എഡിറ്റ് ചെയ്യാവുന്നതാണ്.

ഇതില്‍ നമുക്ക് പുതിയ ടാബ് ചേര്‍ക്കാനും അതില്‍ മറ്റു സൈറ്റുകളിലേയ്ക്കുള്ള ലിങ്ക്, ഓഫ് ലൈന്‍ കണ്ടന്‍റുകള്‍ എന്നിവ നല്‍കാനാകും. 'ADVANCED' ടാബില്‍ ഉള്ള യു ആര്‍ എല്‍ എന്‍ട്രി പോലുള്ള സൌകര്യങ്ങള്‍ പരീക്ഷിച്ച് നോക്കാവുന്നതാണ്.

ഒരുദാഹരണം,

എല്ലാവര്‍ക്കും നന്ദി.

read more

HTC One ഇന്ത്യയില്‍...

എച്ച് ടി സി യില്‍ നിന്നുള്ള ഹൈ എന്‍ഡ് സ്മാര്‍ട്ട് ഫോണ്‍ HTC One ന്റ്റെ വില പ്രസിദ്ധീകരിച്ചു.
കമ്പനി ഒഫീഷ്യലായി അനൌണ്‍സ് ചെയ്തില്ലയെങ്കിലും ചില ഓണ്‍ലൈന്‍ ഷോപ്പിങ് സൈറ്റുകളില്‍ വിലയറിവായിത്തുടങ്ങിയിട്ടുണ്ട്. അടുത്ത ആഴ്ച തന്നെ ഉപയോക്താക്കള്‍ക്ക് ലഭ്യമായിത്തുടങ്ങും. 42900 രൂപയാണ് ഇന്ത്യയിലെ വില. ഏകദേശം സാംസങ്ങിന്‍റെ ഗ്യാലക്സി എസ് 4 നോട് അടുത്ത വില. എന്നാല്‍ അത്രയും ഗുണം ഉണ്ടോ എന്ന് കണ്ടറിയേണ്ടിയിരിക്കുന്നു.

HTC One ന്റ്റെ സവിശേഷതകളിലേയ്ക്ക്...
1.7 Ghz സ്പീഡുള്ള സ്നാപ്ഡ്രാഗണ്‍ 600 ക്വാഡ് കോര്‍ പ്രൊസസറോട് കൂടി വരുന്ന എച്ച് ടി സി വണ്ണിന് 2 ജിബി റാം ഉണ്ട്. ജെല്ലിബീന്‍ 4.2 വേര്‍ഷനില്‍ ഓടുന്ന ഇതിന് 1920 X 1080 എച്ച് ഡി റെസല്യൂഷനില്‍ ഉള്ള സൂപ്പര്‍ ഐ പി എസ് എല്‍സിഡി  സ്ക്രീന്‍ ആണുള്ളത്.
പ്രധാനപ്പെട്ട ഒരു സവിശേഷത എന്ന് പറയാവുന്നത് എല്‍ ഇ ഡി ഫ്ലാഷോട് കൂടിയ റിയര്‍ ഫേസിങ് 4 മെഗാപിക്സല്‍ അള്‍ട്രാപിക്സല്‍ ക്യാമറയാണ്. എച്ച് ഡി റെക്കോര്‍ഡിങ്, ഒപ്റ്റിക്കല്‍ ഇമേജ് സ്റ്റബിലൈസേഷന്‍ ഉള്‍പ്പടെ നിരവധി സവിശേഷതല്‍ ഉള്ള ക്യാമറയാണിത്. വീഡിയോ കോണ്‍ഫറന്‍സിങിനായി 2.1 മെഗാ പിക്സല്‍ ഉള്ള ഒരു ഫ്രണ്ട് ഫേസിങ് ക്യാമറയും നല്‍കിയിട്ടുണ്ട്
ആവശ്യമായ എല്ലാ സെന്‍സറുകളും, കണക്റ്റിവിറ്റി പോര്‍ട്ടുകളും നല്‍കിയിട്ടുണ്ട്. മൈക്രോ യു എസ് ബി പോര്‍ട്ട്, വൈ ഫൈ, ബ്ലൂടൂത്ത്, ജി പി എസ് എന്നിവയും ഉണ്ട്.

read more

സാംസങ് ഗ്യാലക്സി S4 ഇന്ത്യയില്‍, 41500 രൂപയ്ക്ക്!

ഗാഡ്ജറ്റ് പ്രേമികള്‍ക്ക് ഒരു സന്തോഷ വാര്‍ത്ത, കാത്തിരിപ്പിന് വിരാമമിട്ട് കൊണ്ട്, ഇതാ ഗ്യാലക്സി എസ് 4 ഇന്ത്യയില്‍! കൊറിയന്‍ കമ്പനിയായ സാംസങ്ങിന്‍റെ ഗ്യാലക്സി സീരീസിലെ ഏറ്റവും പുതിയ ഫോണാണ് ഗ്യാലക്സി എസ് 4. കുറച്ച് ദിവസങ്ങള്‍ക്ക് മുമ്പ് വരെ പ്രീ ഓര്‍ഡര്‍ ചെയ്യാമായിരുന്ന എസ്4 ഇപ്പോള്‍ ഓണ്‍ലൈന്‍ ആയി ഓര്‍ഡര്‍ ചെയ്യാം, സാധനം വീട്ടിലെത്തും! ഫ്ലിപ്കാര്‍ട്ട് വഴി.
ഗ്യാലക്സി എസ്4 ന്റ്റെ സവിശേഷതകള്‍ എന്തൊക്കെയെന്ന് നോക്കാം. വളരെ വൈകിയത് കൊണ്ട് ഒരു റിവ്യൂ ഇടാന്‍ കഴിഞ്ഞിരുന്നില്ല. അറിയാത്തവര്‍ക്കായി,

ഗാഡ്ജറ്റ് ലോകം അടക്കി വാണിരുന്ന ആപ്പിളിനെപ്പോലും അമ്പരിപ്പിച്ച് കൊണ്ട് ലോകത്തിലെ ആദ്യത്തെ ഒക്റ്റ കോര്‍ (Octa Core) പ്രൊസസര്‍ ഫോണുമായാണ് എസ് 4 വരുന്നത്. കരുത്തിനോടൊപ്പം വേഗത പകരാനായി 2 ജിബി റാമും. 1.6 ജിഗാ ഹെര്‍ട്സ് ക്വാഡ് കോര്‍ കോര്‍ടെക്സ് എ15 പ്രൊസസറിനോടൊപ്പം 1.2 ജിഗാഹെര്‍ട്സ് ക്വാഡ് കോര്‍ കോര്‍ടെക്സ് എ7 പ്രൊസസര്‍ കൂടി ചേര്‍ത്താണ് 8 കോര്‍  പ്രൊസസര്‍ പ്രവര്‍ത്തിക്കുന്നത്. വേഗതയിലും കരുത്തിലും എസ്4 നെ വെല്ലാന്‍ മറ്റൊരു ഫോണും ഇതുവരെ ഇറങ്ങിയിട്ടില്ല എന്ന് ചുരുക്കം.
                                                              130 ഗ്രാം മാത്രമുള്ള എസ് 4 ന് 136.6 മി.മി നീളവും, 69.8 മി.മി വീതിയും, 7.9 മി.മി കനവും ഉണ്ട്. ആന്‍ഡ്രോയിഡിന്‍റെ ഏറ്റവും പുതിയ ഒ.എസ് ആയ ജെല്ലിബീന്‍ 4.2.2 വില്‍ ഓടുന്ന ഇതിന് 1920 X 1080 ഫുള്‍ എച്ച്.ഡിയോട് കൂടിയ 5 ഇഞ്ച് സ്ക്രീന്‍ ആണുള്ളത്. 13 മെഗാപിക്സല്‍ ഉള്ള പിന്‍ ക്യാമറ ഉപയോഗിച്ച് 1920 X 1080 ഫുള്‍ എച്ച്.ഡി വീഡിയോ റെക്കോര്‍ഡ് ചെയ്യാനാവും. ഓട്ടോഫോക്കസ്, ഫ്ലാഷ്, സീറോ ഷട്ടര്‍ ലാഗ്, ഡ്യുവല്‍ ഷോട്ട്, ഡ്യുവല്‍ റെക്കോര്‍ഡിങ്, ഡ്രാമാ ഷോട്ട്, 360 ഫോട്ടോ, ആനിമേറ്റഡ് ഫോട്ടോ, എച്ച് ഡി ആര്‍, പനോരമ തുടങ്ങി നിരവധി സൌകര്യങ്ങള്‍ പ്രദാനം ചെയ്യുന്ന പിന്‍ ക്യാമറ ഒരു ഫോട്ടോഗ്രഫി പ്രേമിയെ ഒരിക്കലും നിരാശനാക്കില്ല എന്ന് കരുതാം. ത്രീജി കോളിങിനായി 2 മെഗാപിക്സല്‍ മുന്‍ ക്യാമറയും നല്‍കിയിട്ടുണ്ട്.
16 ജിബി ഇന്‍റേര്‍ണല്‍ മെമ്മറിയോട് കൂടിവരുന്ന എസ് 4 ന്റ്റെ സ്റ്റോറേജ് മൈക്രോ എസ് ഡി വഴി 64 ജിബി വരെ ഉയര്‍ത്താം.
കണക്റ്റിവിറ്റിക്കായി എഡ്ജ്, ജി പി ആര്‍ എസ്, 42 എംബി/സെക്കന്‍റ് സ്പീഡിള്ള ത്രിജി, 802.11 a/b/g/n/ac റേഞ്ചിലുള്ള വൈഫൈ, വൈഫൈ ഹോട്ട്സ്പോട്ട്, മൈക്രോ യു എസ് ബി, ജി പി എസ്, ബ്ലൂടൂത്ത് എന്നിവ നല്‍കിയിട്ടുണ്ട്. 4 ജി സപ്പോര്‍ട്ട് കൂടെ നല്‍കിയിരുന്നെങ്കില്‍ മാര്‍ക്കറ്റിലെ ഏറ്റവും മികച്ച ഫോണ്‍ ആകുമായിരുന്നു എസ് 4 എന്നതില്‍ സംശയമില്ല. ഗാഡ്ജറ്റ് ലോകത്തെ എതിരാളികള്‍ വെറുതെ ഇരിക്കില്ല. കൂടുതല്‍ മികവുറ്റ ഫോണുകള്‍ ഇനിയും വരാനിരിക്കുന്നു...

read more

ഗ്യാലക്സി നോട്ട് 8 ഇന്ത്യയില്‍ - 30,900 രൂപ.

സാംസങ്ങിന്‍റെ ഗ്യാലക്സി നോട്ട് സീരീസിലെ പുതിയ ഒരു ഗാഡ്ജറ്റ് ആയ ഗ്യാലക്സി നോട്ട് 8 പുറത്തിറക്കിയ കാര്യം എല്ലാവരും അറിഞ്ഞിരിക്കുമല്ലോ. ഇനി നോട്ട് 8 ഇന്ത്യയിലും 30,900 രൂപയ്ക്ക്, ഗ്യാലക്സി നോട്ട് 510 എന്ന പേരില്‍ ലഭ്യമായിത്തുടങ്ങും. നിരവധി സവിശേഷതകളുമായാണ് ഗ്യാലക്സി നോട്ട് വരുന്നത്. എഴുത്തിനും വായനയ്ക്കും പ്രാധാന്യം നല്‍കിക്കൊണ്ടാണ് നോട്ട് നിര്‍മിച്ചിരിക്കുന്നത് എന്ന് പേരില്‍ നിന്ന് തന്നെ മനസ്സിലാക്കാം.
ആന്‍ഡ്രോയിഡ് 4.1.2 വേര്‍ഷനില്‍ പ്രവര്‍ത്തിക്കുന്ന ഇതിന് 189ppi ഡെന്‍സിറ്റിയോട് കൂടി 1280 X 800 പിക്സല്‍ വലിപ്പത്തിലുള്ള 8 ഇഞ്ച് XVGA TFT ഡിസ്പ്ലേ ആണുള്ളത്.

 സ്റ്റാറ്റസ് ബാറില്‍ റീഡിംഗ് മോഡ് എന്ന ഓപ്ഷന്‍ കൂടി വായന എളുപ്പമാക്കാന്‍ നല്‍കിയിട്ടുണ്ട്.

കൂടാതെ ഫോണ്‍ കോളിന്‍റെ ഇടയില്‍ നോട്ടുകള്‍ തയ്യാറാക്കാം, ഇ-മെയില്‍ ചെക്ക് ചെയ്യാം, മാപ്പ് നോക്കാം...

പ്രീ ഇന്‍സ്റ്റാള്‍ ചെയ്ത എസ്-നോട്ട് ആപ്ലിക്കേഷന്‍ ഉപയോഗിച്ച് ഡീഫോള്‍ട്ടായി നല്‍കിയിരിക്കുന്ന 10+3 ടെമ്പ്ലേറ്റുകള്‍ ഉപയോഗിച്ച് ആകര്‍ഷകമായ രീതിയില്‍ ലേഖനങ്ങളും മറ്റും തയ്യാറാക്കാം.













 നോട്ടിന്‍റെ കൂടെ നല്‍കിയിരിക്കുന്ന എസ്-പെന്‍ ഉപയോഗിച്ച് എഴുത്ത്, വായന, ചിത്രരചന,
എഡിറ്റിങ് എന്നിവ വേഗത്തിലാക്കാനും, മികവുറ്റതാക്കാനും കഴിയും. എയര്‍ വ്യൂ, എസ്-നോട്ട്, എസ് പ്ലാനാര്‍, ഹാന്‍ഡ് റൈറ്റിങ് എന്നിവയും എസ്-പെന്‍ നല്‍കുന്നു.





ക്വാഡ് കോര്‍ പ്രൊസസ്സറും 2 ജിബി റാമും മികച്ച വേഗത നല്‍കും എന്ന കാര്യത്തില്‍ സംശയം വേണ്ട. ഏത് ആംഗിളില്‍ നോക്കിയാലും നിറവ്യത്യാസം അനുഭവപ്പെടാത്ത ടി എഫ് ടി സ്ക്രീന്‍ മികച്ച വായനാനുഭവം തീര്‍ച്ചയായും നല്‍കും.
64 ജിബി വരെ സ്റ്റോറേജ് ഉയര്‍ത്താവുന്ന നോട്ട്, 16 ജിബി, 32 ജിബി എന്നീ വ്യത്യസ്ത മോഡലുകളില്‍ ലഭ്യമാണ്. a/b/g/n ബാന്‍ഡുകളിലുള്ള വൈഫൈ, ബ്ലൂടൂത്ത് 4.0 എന്നിവ മികച്ച കണക്റ്റിവിറ്റി പ്രദാനം ചെയ്യുന്നു.

 Key Specifications

• 8 Inch XVGA TFT Display with resolution of 1280X800
• 1.6 Ghz Quad core processor.
• 2 GB RAM.
• 16/32 GB internal storage.
• MicroSD support up to 64 GB
• 5 MP rear camera and 1.3 MP front facing camera.
• WiFi 802 a/b/g/n
• Bluetooth 4.0
• USB 2.0
• A-GPS
• Android 4.1.2 Jellybean
• Accelerometer, Digital compass, Proximity sensor.
• 4,600 mAh battery.

read more

പ്ലേസ്റ്റോര്‍ ആപ്ലിക്കേഷനുകളുടെ .apk സേവ് ചെയ്യാം...!

സുഹൃത്തുക്കളെ, ഇതാ ആന്‍ഡ്രോയിഡ് ഉപയോക്താക്കള്‍ക്ക് ഒരു സന്തോഷ വാര്‍ത്ത...

മുഖ്യധാരാ മൊബൈല്‍ ഓപ്പറേറ്റിങ് സിസ്റ്റങ്ങളുടെ നിരയിലേയ്ക്ക് കടന്ന് വന്നിരിക്കുന്ന ആന്‍ഡ്രോയിഡ് ഓപ്പറേറ്റിങ് സിസ്റ്റത്തെ കുറിച്ച് അറിയാത്തവര്‍ ഇന്ന് നമുക്കിടയില്‍ ഉണ്ടായിരിക്കില്ല.
ഇന്ന് നമുക്ക് പുതിയ ഒരു ആന്‍ഡ്രോയിഡ് ആപ്ലിക്കേഷന്‍ പരിചയപ്പെടാം.
ആന്‍ഡ്രോയില്‍ മലയാളം എഴുതുന്നതിനെക്കുറിച്ച് അറിയാന്‍ ഇവിടെ ക്ലിക്ക് ചെയ്യുക.

ആന്‍ഡ്രോയിഡ് ഉപയോക്താക്കള്‍ പലപ്പോഴും ആപ്ലിക്കേഷനുകള്‍ ഗൂഗിളിന്‍റെ അപ്ലിക്കേഷന്‍ സ്റ്റോര്‍ ആയ പ്ലേസ്റ്റോറില്‍ നിന്ന് ഡൌണ്‍ലോഡ് ചെയ്യുകയാണല്ലോ പതിവ്. ഇങ്ങനെ ഡൌണ്‍ലോഡ് ചെയ്യുന്ന ആപ്ലിക്കേഷനുകള്‍ നേരിട്ട് ഡിവൈസില്‍ ഇന്‍സ്റ്റാള്‍ ആവുകയാണ് ചെയ്യുന്നത്. നമ്മള്‍ ഡിവൈസ് റീസെറ്റ് ചെയ്യുകയോ അബദ്ധവശാല്‍ ആപ്ലിക്കേഷന്‍ റിമൂവ് ആവുകയോ ചെയ്താല്‍ വീണ്ടും പ്ലേസ്റ്റോറില്‍ ചെന്ന് ഡൌണ്‍ലോഡ് ചെയ്യുകതന്നെ വേണം. അതായത്, ആപ്ലിക്കേഷന്‍റെ വീണ്ടും ഇന്‍സ്റ്റാള്‍ ചെയ്യേണ്ട .akp ഫയല്‍ നമുക്ക് കിട്ടുന്നില്ല. വൈറസ് ബാധ, മറ്റു സെക്യൂരിറ്റി കാരണങ്ങള്‍ കൊണ്ട് പലരും മറ്റു സൈറ്റുകളില്‍ നിന്ന് ഇന്സ്റ്റാള്‍ ഫയലായ .apk ഡൌണ്‍ലോഡ് ചെയ്യാന്‍ മടിക്കുകയാണ്. പ്ലേസ്റ്റോറില്‍ നിന്നാണെങ്കില്‍ ലേറ്റസ്റ്റ് അപ്ഡേഷനും കിട്ടും. ഇതിനൊരു പരിഹാരമാണ് SaveMaster എന്ന ആപ്ലിക്കേഷന്‍.
ഇതിലൂടെ നമ്മള്‍ ഒരു പ്രാവശ്യം പ്ലേസ്റ്റോറില്‍ നിന്ന് ഡൌണ്‍ലോഡ് ചെയ്ത ആപ്ലിക്കേഷനുകളുടെ apk ഫയല്‍ സേവ് ചെയ്യാം. ആന്‍ഡ്രോയിഡ് 2.0 യ്ക്ക് മുകളിലുള്ള ഏത് വേര്‍ഷനിലും ഇത് വര്‍ക്ക് ചെയ്യും. മൊബൈലുകളിലേയ്ക്കും ടാബ്ലറ്റുകളിലേയ്ക്കും ഒറ്റ വെര്‍ഷന്‍ മാത്രം മതി.
ഇതിന്‍റെ ഇന്‍സ്റ്റലേഷനും ഉപയോഗവും നമുക്ക് നോക്കാം. ഇവിടെ കാണിച്ചിരിക്കുന്നത് ജെല്ലി ബീന്‍ ഒ.എസ് ആണ്.
അപ്പ് ഡ്രോയറില്‍ നിന്ന് പ്ലേസ്റ്റോര്‍ ഐക്കണ്‍ ടാപ്പ് ചെയ്ത് സ്റ്റോറിലെത്തുക.
NB : ഈ ആപ്ലിക്കേഷന്‍ ഉപയോഗിക്കുന്നതിന് യാതൊരു റൂട്ട് പെര്‍മിഷനും ആവശ്യമില്ല.

സെര്‍ച്ച് ബോക്സില്‍ save master എന്ന് ടൈപ്പ് ചെയ്ത് സെര്‍ച്ച് ബട്ടണ്‍ ടാപ്പ് ചെയ്യുക.

ആദ്യം കാണുന്ന അപ്പ് സെലക്റ്റ് ചെയ്യുക.

ഇന്‍സ്റ്റാള്‍ ബട്ടണ്‍ ടാപ്പ് ചെയ്യുക.

accept & download സെലക്റ്റ് ചെയ്യുക.

 installation in progress....

ആപ്ലിക്കേഷന്‍ ഓപ്പണ്‍ ചെയ്യുക.

ഇവിടെ നിങ്ങള്‍ക്ക് പ്ലേസ്റ്റോര്‍ വഴി ഡൌണ്‍ലോഡ് ചെയ്തതും, ഓഫ്ലൈന്‍ ആയി ഇന്‍സ്റ്റാള്‍ ചെയ്തതുമായ ആപ്ലിക്കേഷനുകള്‍ കാണാന്‍ സാധിക്കും.
ഒരു മൊബൈല്‍ വ്യൂ,

ഇനി സേവ് ചെയ്യാനുദ്ദേശിക്കുന്ന ആപ്ലിക്കേഷനില്‍ ടാപ്പ് ചെയ്യുക.

Save ബട്ടണ്‍ അമര്‍ത്തുക. ആപ്ലിക്കേഷന്‍ സേവ് ആയിക്കഴിഞ്ഞു..!

 ഇനി ഒന്നിലധികം ആപ്ലിക്കേഷനുകളുടെ ഇന്‍സ്റ്റാള്‍ ഫയല്‍ വേണമെങ്കില്‍ മാര്‍ക് ചെയ്ത് സേവ് ചെയ്യാവുന്നതാണ്.

മാര്‍ക് ചെയ്തതിന് ശേഷം Backup ബട്ടണ്‍ ടാപ് ചെയ്താല്‍ മതി. മാര്‍ക് ചെയ്തയത്രയും സേവ് ആയിക്കൊള്ളും.

 ഇനി സേവ് ചെയ്ത ആപ്ലിക്കേഷനുകള്‍ എങ്ങനെ കാണാം എന്ന് നോക്കാം.
 ഫോണില്‍/ടാബില്‍ ഇന്‍റേര്‍ണല്‍ മെമ്മറി ഉണ്ടെങ്കില്‍ അത്, അല്ലെങ്കില്‍ എസ് ഡി കാര്‍ഡ് ആണെങ്കില്‍ അത്, ഓപ്പണ്‍ ചെയ്യുക. ഹോം ഫോള്‍ഡറില്‍ മറ്റു ഫോള്‍ഡറുകളുടെ കൂടെ appsaver എന്നൊരു ഫോള്‍ഡര്‍ കൂടെ കാണാം. അത് ഓപ്പണ്‍ ചെയ്യുക.

ഇനി ഡിവൈസ് ഫോര്‍മാറ്റ് ചെയ്യുകയോ ആപ്ലിക്കേഷന്‍ അണ്‍ ഇന്‍സ്റ്റാള്‍ ചെയ്യുകയോ ചെയ്താല്‍ ഒരു പ്രശ്നവും ഇല്ല, ഇവിടെ നിന്നും ആപ്ലിക്കേഷനുകള്‍ എടുത്ത് ഇന്‍സ്റ്റാള്‍ ചെയ്യാവുന്നതാണ്.

എന്നെ സംബന്ധിച്ചിടത്തോളം ഈ ആപ്ലിക്കേഷന്‍ ഒരു അനുഗ്രഹം തന്നെ!

ഇത് ഉപകാരപ്പെട്ടെങ്കില്‍ ദയവായി അഭിപ്രായം അറിയിക്കുക. സംശയങ്ങള്‍ ഉണ്ടെങ്കില്‍ ചോദിക്കാം.

read more

ഇന്‍റക്സ് അവതരിപ്പിക്കുന്നു, പുതിയ ക്വാഡ് കോര്‍ ഫോണ്‍...!

ഇന്ത്യന്‍ കമ്പനിയായ ഇന്‍റക്സ് പുറത്തിറക്കുന്ന സ്മാര്‍ട്ട് ഫോണാണ് ഇന്‍റക്സ് അക്വ വണ്ടര്‍ ക്വാഡ് കോര്‍. പുതിയ ഫീച്ചേഴ്സും നല്ല ഹാര്‍ഡ് വെയര്‍ പിന്തുണയുമായി വരുന്ന ഈ ഫോണ്‍ ആന്‍ഡ്രോയിഡിന്‍റെ പുതിയ ഓപ്പറേസ്റ്റിങ് സിസ്റ്റമായ ജെല്ലി ബീന്‍ 4.1.2 ല്‍ ആണ് വര്‍ക്ക് ചെയ്യുന്നത്.
പേര് സൂചിപ്പിക്കുന്നത് പോലെത്തന്നെ രണ്ട് ഡ്യുവല്‍ കോര്‍ പ്രൊസസറുകളുടെ പ്രവര്‍ത്തന ശേഷി ലഭിക്കുന്ന ക്വാഡ് കോര്‍ പ്രൊസസ്സര്‍ ആണ് ഇതില്‍ ഉപയോഗിച്ചിരിക്കുന്നത്. കൂടാതെ 512 എം ബി റാമും കമ്പനി നല്‍കുന്നുണ്ട്. ഫ്ലാഷ് എല്‍ ഇ ഡിയോട് കൂടെയുള്ള 8 എം.പി റിയര്‍ ക്യാമറയും  ത്രീജി കോളിങിനായി 2 എം.പി ഫ്രണ്ട് ക്യാമറയുമുണ്ട്. 2G യിലും 3G ത്രീജിയിലും പ്രവര്‍ത്തിപ്പിക്കാവുന്ന ഡ്യുവല്‍ സിം മോഡലാണ് ഇന്‍റക്സ് അവതരിപ്പിച്ചിട്ടുള്ളത്. കൂടാതെ ക്യാമറക്ക് ഓട്ടോ ഫോക്കസ് സങ്കേതവും ഉണ്ട്.
4.5 ഇഞ്ച് കപ്പാസിറ്റീവ് ടച്ച് സ്ക്രീനില്‍ പ്രവര്‍ത്തിക്കുന്ന ഇതിന് 4 ജിബി ഇന്‍റേര്‍ണല്‍ മെമ്മറിയോടൊപ്പം 32 ജിബി വരെ സ്റ്റോറേജ് ഉയര്‍ത്താനായി മൈക്രോ എസ് ഡി സ്ലോട്ടും കൂടെയുണ്ട്.
കണക്റ്റിവിറ്റിക്കായി ത്രീജി, ഡ്യുവല്‍ സിം, വൈഫൈ, ജി പി ആര്‍ എസ്, ബ്ലൂടൂത്ത്, ജി പി എസ് എന്നിവയും ഉണ്ട്.
ജി-സെന്‍സര്‍, പ്രോക്സിമിറ്റി സെന്‍സര്‍, ലൈറ്റ് സെന്‍സര്‍ എന്നിവയോട് കൂടിത്തന്നെ പ്രീ ഇന്‍സ്റ്റാള്‍ ചെയ്ത ഫേസ്ബുക്ക്, ഗൂഗിള്‍ പ്ലസ്, നിംബസ്, സ്കൈപ്, വാട്സ് ആപ്പ് എന്നിവയും നല്‍കുന്നുണ്ട്. ആപ്ലിക്കേഷനുകള്‍ ഡൌണ്‍ലോഡ് ചെയ്യാനായി ഗൂഗിളിന്‍റെ പ്ലേസ്റ്റോര്‍ പിന്തുണയും ഉണ്ട്.
ഓണ്‍ലൈന്‍ ആയി വങ്ങുന്നവര്‍ക്ക് ഇന്ത്യയില്‍ 9990 രൂപയാണ് വില. എന്തുകൊണ്ടും അനുയോജ്യമായ വിലതന്നെ.

read more

6499 രൂപക്ക് ഒരടിപൊളി സ്മാര്‍ട്ട് ഫോണ്‍

വില കുറച്ചൊരു സ്മാര്‍ട്ട്ഫോണ്‍ സ്വന്തമാക്കണമെന്ന് ഏവരും ആഗ്രഹിച്ചിട്ടുണ്ടാകില്ലേ...അത്തരക്കാര്‍ക്കൊരു ബെസ്റ്റ് ചോയിസ് ആണ് മൈക്രോമാക്സ് പുറത്തിറക്കുന്ന A8 Smarty എന്ന പുത്തന്‍ മോഡല്‍.
സാധാരണ, ഇതു പോലൊരു മോഡലിന് 15000 രൂപയില്‍ കൂടുതല്‍ വേണ്ടി വരും എന്നാണ് നിര്‍മാതാക്കാള്‍ അവകാശപ്പെടുന്നത്. വില കുറവാണെങ്കിലും സ്പെസിഫിക്കേഷന്‍ കേട്ടാന്‍ ആരും ഞെട്ടും...
                        ഏറ്റവും ആദ്യം തന്നെ ശ്രദ്ധിക്കപ്പെടുന്നത് 4 ഇഞ്ച് TFT കപ്പാസിറ്റീവ് ടച്ച്സ്ക്രീന്‍ തന്നെ. സ്ക്രീന്‍ റെസലൂഷന്‍ 480 X 800 ആണ്. പുതിയ ടി.എഫ്.ടി ടെക്നോളജിയില്‍ നിര്‍മ്മിച്ച സ്ക്രീന്‍ ശ്രദ്ധിക്കപ്പെട്ടുകൊണ്ടിരിക്കുകയാണ്. ഈ സ്ക്രീനിന് മറ്റു സ്ക്രീനുകളെപ്പോലെ എവിടെ നിന്ന് നോക്കിയാലും നിറവ്യത്യാസം അനുഭവപ്പെടില്ല. മാത്രമല്ല, 1 ജിഗാഹെര്‍ട്സ് പ്രൊസസറും 512 എം.ബി റാമും സ്മാര്‍ട്ടിയെ സ്മാര്‍ട്ടാക്കുന്നു. ആന്‍ഡ്രോയിഡ് 4.0 ഐസ്ക്രീം സാന്‍ വിച്ച് ഓപ്പറേറ്റിങ് സിസ്റ്റത്തില്‍ പ്രവര്‍ത്തിക്കുന്ന സ്മാര്‍ട്ടിയ്ക്ക് ഫ്ലാഷോട് കൂടിയ 5 മെഗാപിക്സല്‍ ക്യാമറ ഉപയോഗിച്ച് കൂടുതല്‍ മിഴിവുള്ള ചിത്രങ്ങള്‍ എടുക്കാനാകും. മള്‍ട്ടിഷോട്ട്, സൂം, നൈറ്റ് വിഷന്‍ എന്നിവയും ക്യാമറയുടെ പ്രതേകതകളാണ്. 4 ജിബി ഇന്‍റേര്‍ണല്‍ മെമ്മറി ഉണ്ട്. 32 ജിബി വരെയുള്ള എസ്.ഡി കാര്‍ഡുകളും സപ്പോര്‍ട്ട് ചെയ്യും.1600 mAh ഉള്ള ലിഥിയം അയണ്‍ ബാറ്ററി ഉപയോഗിച്ച് 5 മണിക്കൂര്‍ ടോക് ടൈമും 144 മണിക്കൂര്‍ സ്റ്റാന്‍ഡ് ബൈയും വാഗ്ദാനം ചെയ്യുന്നു. ബ്ലൂടൂത്ത് വേര്‍ഷന്‍ 3 ആണ് ഉപയോഗിച്ചിരിക്കുന്നത്. MP3, WAV, 3GP, MP4, MPEG, AVI തുടങ്ങി ഒട്ടുമിക്ക മീഡിയ ഫോര്‍മാറ്റുകളും പിന്തുണയ്ക്കും.
ഡാറ്റാ കമ്മ്യൂണിക്കേഷനായി ബ്ലൂടൂത്തിന് പുറമെ വൈഫൈ, ജി പി എസ് എന്നിവയും ഉണ്ട്. എന്നാല്‍ ത്രീജി ഇല്ലാത്തത് സ്മാര്‍ട്ടിയെ സ്മാര്‍ട്ട് ഫോണ്‍ ലിസ്റ്റില്‍ നിന്ന് ആളുകള്‍ ഒഴിവാക്കുമോ എന്ന സംശയവും ഉണ്ട്. ഒരു ഡ്യുവല്‍ സിം ഫോണ്‍ ആണ് മൈക്രോമാക്സ് സ്മാര്‍ട്ടി. ഒരു വര്‍ഷം വാറന്‍റിയും നല്‍കുന്നുണ്ട് കമ്പനി.
ഇത്രയും വിലകുറച്ച് ഇങ്ങനൊരു ഫോണ്‍ കിട്ടിയാല്‍ നിങ്ങളും വാങ്ങില്ലേ? അഭിപ്രായങ്ങള്‍ പോന്നോട്ടെ,

read more